У Беларусі зацверджана Нацыянальная праграма падтрымкі і развіцця экспарту на 2016-2020 гады

Савет Міністраў зацвердзіў Нацыянальную праграму падтрымкі і развіцця экспарту Беларусі на 2016-2020 гады. Праграма накіравана на дасягненне росту і дыверсіфікацыю нацыянальнага экспарту, у першую чаргу інавацыйнага і высокатэхналагічнага. Беларусь плануе працягваць развіваць інтэграцыю ў ЕАЭС. Разам з тым прадоўжыцца праца і па ўступленні нашай краіны ў Сусветную гандлёвую арганізацыю. Сярод важных элементаў названы, у прыватнасці, праекты з Кітаем і ПВТ. У выніку рэалізацыі Нацыянальнай праграмы плануецца павелічэнне экспарту тавараў і паслуг на 21-25 %.