Прамысловы патэнцыял Беларусі прадставілі краінам АСЕАН

Прэзентацыя прамысловага патэнцыялу Беларусі для Асацыяцыі дзяржаў Паўднёва-Усходняй Азіі прайшла ў Маскве. У семінары прынялі ўдзел паслы і супрацоўнікі дыпмісій аднаго з тых рэгіёнаў, якія развіваюцца. Сваю прадукцыю прапанавалі "МАЗ", "БелАЗ", "Мінскі трактарны завод", "Белспецзнештэхніка", "Белшына". Таксама на сустрэчы паднімалася пытанне інвеставання. Прадпрыемствы Мінпрама зараз складаюць бізнес-планы развіцця на найбліжэйшыя дзесяцігоддзі і гатовыя прапанаваць партнёрам удзел у развіцці прамысловай базы краіны.