Прымяненне мер абароны ўнутранага рынку ЕАЭС абмеркавалі ў Мінску

Аб абароне ўнутранага рынку ў рамках Еўразійскага эканамічнага саюза гаварылі сёння ў Мінску дыпламаты, кіраўнікі міністэрстваў, вытворцы і экспарцёры. Гаворка ішла аб увядзенні квот на імпарт. Напрыклад, ужо дзейнічае ліміт на куплю камбайнаў са Злучаных Штатаў Амерыкі. Да канца года могуць быць уведзены антыдэмпінгавыя меры ў дачыненні да імпартных бульдозераў і шын. У ЕАЭС зараз дзейнічае больш за 10 антыдэмпінгавых мер. Гэта тычыцца не толькі буйных вытворчасцяў, але і тавараў народнага спажывання.
Між тым ЕАЭС не замыкаецца ў самім сабе. Каля 40 краін ужо заявілі пра намер стварыць зону свабоднага гандлю з Еўразійскім саюзам.