Беларусь плануе знізіць аб'ёмы спажывання прыроднага газу за кошт выкарыстання альтэрнатыўных крыніц энергіі

Мінск лідзіруе сярод гарадоў Беларусі па пераходзе на нетрадыцыйныя крыніцы энергіі.Сёння Міжнародны дзень энергазберажэння. Беларусь не застаецца ўбаку ад гэтага руху. Паводле звестак Мінэнерга, краіна плануе ў наступным годзе знізіць аб"ёмы спажывання прыроднага газу. Пераход на новыя крыніцы энергіі дазволіць сэканоміць больш чым мільярд кубаметраў газу. Вялікіх поспехаў у выкарыстанні нетрадыцыйных крыніц энергіі дабілася сталіца. Адны з апошніх аб"ектаў - міні-ГЭС на Чыжоўскім вадасховішчы і кацельня на дрэўнай дранцы ў пасёлку Сосны. Яны забяспечваюць горад як цеплавой так і электрычнай энергіяй.