У Мінску прайшло першае пасяджэнне міжведамаснай экспертнай групы па разглядзе рэкамендацый БДІПЧ АБСЕ

Беларусь пастараецца ў найкарацейшыя тэрміны рэалізаваць тыя рэкамендацыі БДІПЧ АБСЕ, якія не мяркуюць змяненняў у канстытуцыі. Аб гэтым заявіў журналістам сакратар Цэнтрвыбаркама нашай краіны Мікалай Лазавік па выніках першага пасяджэння міжведамаснай экспертнай групы пры ЦВК. Пры гэтым рэалізаваць канцэптуальныя рэкамендацыі бюро да пачатку парламенцкіх выбараў немагчыма. Унясенне паправак у канстытуцыю і законы - працяглы працэс. Нагадаем, паводле заканадаўства, парламенцкія выбары ў Беларусі павінны адбыцца 11 верасня.