Прэзідэнт Беларусі прыняў кадравыя рашэнні

Прэзідэнт Беларусі сёння правёў кадравы дзень. Аляксандр Лукашэнка прызначыў Кіраўніком Адміністрацыі Прэзідэнта Наталлю Качанаву. Першым намеснікам стаў Максім Рыжанкоў. Беларускі лідар паставіў канкрэтныя задачы па рэфармаванні Адміністрацыі, дэбюракратызацыі і аптымізацыі працы ўсяго дзяржапарата. Кіраўнік дзяржавы запатрабаваў надаць увагу ўзаемадзеянню Адміністрацыі Прэзідэнта з галінамі ўлады, у тым ліку на мясцовым узроўні праз памочнікаў Прэзідэнта. Асаблівую ўвагу Аляксандр Лукашэнка даручыў звярнуць на ідэалагічную і кадравую працу.