Прэзідэнт Беларусі паставіў задачы перад новым кіраўніцтвам Адміністрацыі Прэзідэнта

Прэзідэнт Беларусі даручыў правесці працу па рэфармаванні дзейнасці Адміністрацыі Прэзідэнта. Такую задачу Кіраўнік дзяржавы паставіў напярэдадні, прызначаючы новае кіраўніцтва гэтага дзяржоргана. Кіраўніком Адміністрацыі Прэзідэнта стала Наталля Качанава. Першым намеснікам - Максім Рыжанкоў. Аляксандр Лукашэнка звярнуў увагу на важнасць ідэалагічнага складальніка ў працы Адміністрацыі Прэзідэнта. А таксама агучыў канкрэтныя прапановы і даў даручэнні па пытаннях рэфармавання структуры. Асобна спыніўся на аптымізацыі працы памочнікаў Кіраўніка дзяржавы і нагадаў аб сваіх даручэннях па дэбюракратызацыі і аптымізацыі дзяржапарата.