Прэзідэнт разлічвае на далейшы рост прафесіяналізму беларускага парламента

Прэзідэнт Аляксандр Лукашэнка разлічвае на далейшы рост прафесіяналізму парламента. Пра гэта ішла размова на сустрэчы са старшынёй Палаты прадстаўнікоў Уладзімірам Андрэйчанкам. Сёлета ў Беларусі пройдуць парламенцкія выбары. Аляксандр Лукашэнка паставіў задачу ўзмацніць працу на месцах, актыўней дапамагаць людзям і мясцовым уладам у рашэнні рэгіянальных праблем. Зараз дэпутаты рыхтуюцца да вясновай сесіі. Яна адкрыецца 4 красавіка. У партфелі - 62 дакументы, сярод якіх - ваенная дактрына і праграма ўрада на наступныя пяць гадоў. Таксама на найбліжэйшы час запланаваныя візіты дэпутатаў у Індыю, Латвію і Сербію. Працягнуцца кантакты з Еўрапарламентам і з Парламенцкай асамблеяй АБСЕ.