Прэзідэнт Беларусі з візітам знаходзіцца ў ААЭ

Прэзідэнт Беларусі з рабочым візітам у Аб"яднаных Арабскіх Эміратах. Напярэдадні беларускі лідар правёў сустрэчу з намеснікам прэм"ер-міністра, міністрам унутраных спраў шэйхам Сейфам бен Заідам аль-Нахаянам. Сёння ў графіку Аляксандра Лукашэнкі сустрэчы з віцэ-прэзідэнтам, прэм"ер-міністрам і міністрам абароны Эміратаў. Будуць абмяркоўвацца перспектыўныя кірункі развіцця двухбаковага супрацоўніцтва і рэалізацыя сумесных праектаў. А напярэдадні завяршыўся афіцыйны візіт Прэзідэнта Беларусі ў Катар. Па выніках перамоў краіны падпісалі пакет дакументаў аб супрацоўніцтве ў сферах адукацыі, аховы здароўя і фінансаў. Дасягнутая прынцыповая дамоўленасць развіваць розныя формы кааперацыі.