МЗС Беларусі падрыхтаваў прапановы па спрашчэнні візавага рэжыму з краінамі ЕС

Беларусь падрыхтавала прапановы па спрашчэнні візавага рэжыму з краінамі ЕС і не толькі. Пра гэта заявіў міністр замежных спраў Уладзімір Макей. Паводле яго слоў, зараз прапановы МЗС неабходна ўзгадніць з усімі зацікаўленымі органамі дзяржкіравання. Гэта дапаможа ў развіцці кантактаў, у першую чаргу, у сферах бізнесу і турызму, як адзначыў міністр. Што датычыцца адмены віз з Еўрасаюзам, то пра гэта гаварыць пакуль рана, хоць у апошнія гады бакі далёка прасунуліся ў працы над пагадненнямі аб спрашчэнні візавага рэжыму і аб рэадмісіі.