Калядны турнір па хакеі на прыз Прэзідэнта Беларусі стартуе сёння ў Мінску. За перамогу будуць змагацца каманды з васьмі краін. Удзельнікі прыляцелі напярэдадні і ўжо правялі першыя трэніроўкі. Сёння адбудуцца першыя гульні групавога этапу. Беларуская дружына выступіць у групе А. Наш першы сапернік - Швейцарыя. Матч пройдзе на вялікай пляцоўцы "Чыжоўка-Арэны". Стартавы свісток прагучыць у сем вечара. А на гадзіну раней тут жа пройдзе ўрачыстая цырымонія адкрыцця. Наведаць яе, а таксама абсалютна ўсе матчы, можна бясплатна.
Гэта ўжо 12-ты Калядны турнір. Восем разоў яго выйгравала каманда Прэзідэнта Беларусі. Тройчы поспех святкавала зборная Расіі. Летась у фінале расіяне перамаглі беларусаў з лікам 2:0.
