Камплекты ўзнагарод разыграюць 150 спартсменаў з Беларусі, Расіі і Украіны. Сёння ў Раўбічах адкрываецца этап Кубка Усходняй Еўропы па лыжных гонках. Разыгрываць медалі будуць больш як 150 лепшых лыжнікаў Беларусі, Расіі і Украіны, у тым ліку алімпійскія прызёры. У складзе нашай зборнай - лідары каманды: Сяргей Далідовіч, Міхаіл Сямёнаў, Юлія Ціханава. Уваход на спаборніцтвы для гледачоў свабодны.
