Тарыфы на жыллёва-камунальныя паслугі будуць пералічаныя

Тарыфы на паслугі ЖКГ стануць меншымі. Пералічэннем жыровак ужо займаецца рабочая група. Новыя лічбы замарозяць да асаблівага распараджэння Прэзідэнта, заявіў кіраўнік Камітэта дзяржкантролю Леанід Анфімаў. Ён таксама паведаміў, што ў дачыненні да некаторых службовых асоб прадпрыемстваў сістэмы ЖКГ узбуджаныя крымінальныя справы. Праверкі праходзяць у кожнай з абласцей і ў Мінску. Студзеньскія жыроўкі непрыемна здзівілі многіх беларусаў і выклікалі нездаволенасць Прэзідэнта. Кіраўнік дзяржавы, нагадаем, запатрабаваў за кароткі тэрмін разабрацца з рэзкім ростам тарыфаў і пакараць вінаватых.
Міністр ЖКГ Аляксандр Церахаў расказаў, што па ўсіх фактах, дзе выявяць парушэнні, будуць праведзеныя пераразлікі. У ведамстве таксама працуюць над тым, як зрабіць аплату паслуг зразумелай і празрыстай.