Прэзідэнт Беларусі праверыў узровень прафесійна-службовай падрыхтоўкі афіцэрскага складу Узброеных Сіл

Сістэму падрыхтоўкі ваенных кадраў у Беларусі неабходна ўдасканальваць і прыстасоўваць да сучасных рэалій. Такое даручэнне Прэзідэнт Беларусі даў падчас удзелу ў праверцы ўзроўню прафесійна-службовай падрыхтоўкі афіцэрскага складу Узброеных Сіл на Абуз-Лясноўскім палігоне. Аляксандр Лукашэнка азнаёміўся з новымі ўзорамі ўзбраення, панаглядаў за танкавымі стрэльбамі, праінспектаваў побыт вайскоўцаў у палявых умовах. Патрабаванні, на якія звярнуў увагу Прэзідэнт, застаюцца высокімі: прафесіяналізм, дысцыпліна, вывучка і абавязкова любоў да Радзімы.