Перавозкі грузаў кантэйнернымі цягнікамі з Кітая ў ЕС праз Беларусь у 2015 годзе выраслі ў 1,4 раза

У зносінах Кітай - ЕС па Беларускай чыгунцы за мінулы год перавезена больш за 45 тысяч кантэйнераў у дваццаціфутавым эквіваленце. Гэта амаль у паўтара раза больш у параўнанні з 2014 годам. Грузы з Кітая перавозяць праз Беларусь у Германію, Польшчу, Чэхію і іншыя еўрапейскія краіны.
Час праходжання кантэйнерных цягнікоў праз нашу краіну ад станцыі Чырвонае да Брэста - менш чым 12 гадзін, хуткасць дасягае 1400 кіламетраў за суткі з мінімальнай стаянкай на станцыях. У выніку ўдасканалення тэхналогіі ў Брэсцкім вузле скарочаны час апрацоўкі з 36 да 10 гадзін пры перагрузе і да 6 гадзін без перагрузу.