Сёння навагоднія агні запаляцца на ёлках Мінска. Радасны настрой у сталіцы створаць як светлавыя матывы, якія ўжо даўно выкарыстоўваюцца на вуліцах, так і новыя элементы, дэкаратыўна-светлавое афармленне дрэў. Як і летась, на Кастрычніцкай плошчы можна ўбачыць два васьміметровыя светлавыя шары. Таксама сёння пачнуць працаваць кірмашовыя гарадкі ў цэнтры горада. Наведвальнікаў парадуюць чароўнай атмасферай, смачнай ежай і музыкай.