Беларусь выступіла з ініцыятывай заснаваць Міжнародны дзень памяці аб чарнобыльскай катастрофе

Беларусь прапанавала Генеральнай асамблеі ААН заснаваць Міжнародны дзень памяці аб чарнобыльскай катастрофе. Ад імя нашай краіны на пасяджэнні выступіла кіраўнік ірландскай дабрачыннай арганізацыі "Міжнародны праект - "Дзеці Чарнобылю" Эдзі Роўч. Упершыню ў сучаснай гісторыі афіцыйных пасяджэнняў Генасамблеі ад імя дэлегацыі дзяржавы - члена ААН выступіў прадстаўнік іншай краіны. У МЗС адзначылі, што Беларусь дала ірландцы такую магчымасць, каб паказаць глабальны характар наступстваў аварыі і адсутнасць бар"ераў для шматнацыянальных намаганняў па іх пераадоленні.