У Ціхім акіяне прадаўжае бушаваць трапічны цыклон "Уінстан"

Яму прысвоеная самая высокая, 5-ая, ступень небяспекі. Найбольш адчувальныя ўдары стыхіі на астравах Фіджы. Ахвярамі непагадзі ўжо сталі 20 чалавек. У Канадзе з-за сходу лавіны адзін чалавек загінуў і трое сур"ёзна пацярпелі. Яшчэ 13 аказаліся пад снежнымі заваламі, усе яны выратаваныя. У рэгіёне дзейнічае папярэджанне аб павышанай лавіннай небяспецы. Беларускія сіноптыкі абвясцілі аранжавы ўзровень небяспекі. У краіне чакаецца моцны парывісты вецер, мокры снег, дождж. Спецыялісты заклікаюць людзей быць уважлівымі і асцярожнымі.