Саміт па пытаннях бежанцаў і мігрантаў прайшоў у штаб-кватэры ААН

У штаб-кватэры ААН у Нью-Ёрку прайшоў саміт па бежанцах і мігрантах. Яго вынікам стала прыняцце ўсімі ўдзельнікамі Арганізацыі дэкларацыі па ўрэгуляванні гэтай праблемы. Выступаючы на пасяджэнні высокага ўзроўню, кіраўнік МЗС Беларусі Уладзімір Макей адзначыў, што масава пакідаць свае дамы людзей прымушаюць у большай ступені зацяжныя ўзброеныя канфлікты. І прынцып размеркавання адказнасці, які прасоўваюць некаторыя краіны, павінен у першую чаргу накладваць адказнасць на тых, хто стаіць за распальваннем гэтых канфліктаў на тэрыторыі суверэнных дзяржаў.