Зборная Беларусі па хакеі сустрэнецца сёння з камандай Славакіі

Беларускія хакеісты паспрабуюць сёння атрымаць першую перамогу на чэмпіянаце свету. Пакуль у каманды тры паражэнні ад безумоўных фаварытаў турніру - Канады, ЗША і Фінляндыі. Але наперадзе сустрэчы з менш грознымі сапернікамі, так што шанцы выйсці ў чвэрцьфінал у беларускай зборнай яшчэ ёсць. Для гэтага трэба сёння перамагаць Славакію, што ў папярэднія гады беларусам, як правіла, атрымлівалася.