Алімпійская кваліфікацыя па хакеі да зімовых Гульняў у Пхёнчхане стартуе ў Мінску

Сёння ў Мінску стартуе алімпійская кваліфікацыя па хакеі да зімовых Гульняў 2018 года ў Пхёнчхане. У сталіцы сабраліся чатыры зборныя - Славеніі, Польшчы, Даніі і Беларусі. Першымі на лёд "Мінск-Арэны" выйдуць польская і славенская каманды. Адзін з лідараў зборнай Беларусі - Міхаіл Грабоўскі - праз праблемы са здароўем не прыме ўдзел у кваліфікацыі. Пераможца ў групе D паедзе на Гульні-2018. Раней нацыянальная зборная па хакеі ўдзельнічала ў трох Алімпіядах.