Сёння аб'явяць лаўрэатаў Нобелеўскай прэміі па фізіцы

Сёння стануць вядомыя імёны лаўрэатаў Нобелеўскай прэміі па фізіцы. Цырымонія пачнецца ў Стакгольме ў 12.45 па мінскім часе. Сярод фаварытаў - аўтары шэрагу даследаванняў у галіне элементарных часціц, а таксама вынаходнік нанагенератара, які ператварае механічную энергію ў электрычную. Напярэдадні аб"яўлены імёны пераможцаў прэміі па медыцыне. Ірландцу Уільяму Кэмпбелу і японцу Сатошы Амура атрымалася адкрыць новы клас лекаў.