Сустрэча трохбаковай кантактнай групы па Украіне пройдзе сёння ў Мінску

Чарговы раўнд перамоў кантактнай групы па ўрэгуляванні канфлікту ва Украіне пройдзе сёння ў Мінску. Сярод галоўных тэм - размініраванне тэрыторыі, завяршэнне адвядзення ўзбраенняў, падрыхтоўка да мясцовых выбараў. Папярэднія перамовы адбыліся ў Мінску тыдзень таму. Бакам удалося дамовіцца наконт адвядзення ад лініі размежавання ўзбраення калібрам да 100 міліметраў, а таксама танкаў.