У Мінску адбудзецца пасяджэнне трохбаковай кантактнай групы

У Мінску сёння пройдзе чарговая сустрэча трохбаковай кантактнай групы Украіна - АБСЕ - Расія. Галоўнае пытанне - падрыхтоўка мясцовых выбараў у Данбасе. Акрамя таго, удзельнікі перамоў абмяркуюць рэалізацыю дамоўленасцяў па абмене палоннымі і выкананні рэжыму спынення агню.
Перад пасяджэннем па традыцыі праходзяць перамовы чатырох падгруп па эканамічных, палітычных, гуманітарных пытаннях і бяспецы. Напярэдадні падгрупа па палітычных пытаннях абмяркоўвала канстытуцыйную рэформу і рэалізацыю асаблівага статусу Данбаса.