Сёння ў Мінску збярэцца трохбаковая кантактная група па ўрэгуляванні канфлікту на ўсходзе Украіны

Сёння ў Мінску адбудзецца пасяджэнне трохбаковай кантактнай групы па ўрэгуляванні канфлікту на ўсходзе Украіны. Галоўная тэма - абмен ваеннапалоннымі. На папярэдняй сустрэчы бакі так і не дасягнулі кансенсусу. Тады спецпрадстаўнік АБСЕ Марцін Сайдзік выказаў занепакоенасць парушэннямі рэжыму спынення агню. Зараз разглядаюцца варыянты па развядзенні сіл і стварэнні зон бяспекі ўздоўж лініі судакранання.