Мінск захаваюць у існуючых межах і зробяць горад больш зручным для жыхароў. Такое рашэнне прынята па выніках даклада Прэзідэнту аб перспектывах развіцця сталіцы і прылеглых тэрыторый. Патрабаванне Аляксандра Лукашэнкі - Мінск павінен быць прасторным і "дыхаць". Будаўніцтва шматпавярховак вакол Мінска прапаноўваецца спыніць. Альтэрнатыва - развіццё гарадоў-спадарожнікаў. Для гэтага распрацаваны новы генплан сталіцы. Ён улічвае будаўніцтва сацыяльна запатрабаванага жылля, вытворчых плошчаў, парковак і паркаў.
