Да 1 жніўня праходзіць вылучэнне кандыдатаў у дэпутаты Палаты прадстаўнікоў Нацыянальнага сходу Рэспублікі Беларусь

Участковыя выбаркамы для парламенцкіх выбараў у Беларусі ўжо сфарміраваныя. Прамежкавыя вынікі кампаніі прывяла кіраўнік ЦВК Лідзія Ярмошына. Выбаркамы атрымалі больш за 80 пакетаў дакументаў аб вылучэнні кандыдатаў у новы склад беларускага парламента. Неўзабаве гэтая лічба значна вырасце - для вылучэння кандыдатаў ёсць яшчэ тры дні. З наступнага тыдня пачнецца праверка дакументаў і рэгістрацыя кандыдатаў. А ў гэтую нядзелю ў Беларусь прыбудзе місія БДІПЧ АБСЕ. На 2 жніўня ў Цэнтрвыбаркаме прызначаная сустрэча з кіраўніцтвам місіі.