Старт выбарчай кампаніі ў Беларусі праходзіць вельмі актыўна, - заявіла сёння старшыня Цэнтрвыбаркама Лідзія Ярмошына. Акруговыя камісіі завяршылі разгляд заявак на рэгістрацыю ініцыятыўных груп. У падтрымку сваіх патэнцыйных кандыдатаў на парламенцкіх выбарах подпісы могуць збіраць 446 ініцыятыўных груп. Новаўвядзенне гэтай выбарчай кампаніі - стварэнне абласных выбарчых камісій, якія будуць каардынаваць працу ўчастковых выбарчых камісій.
