Беларусь і Тайланд падпісалі пагадненне аб міжпарламенцкім супрацоўніцтве

Беларусь і Тайланд заключылі пагадненне аб міжпарламенцкім супрацоўніцтве. Дакумент падпісаны падчас афіцыйнага візіту ў каралеўства нашай дэлегацыі на чале са старшынёй Палаты прадстаўнікоў. Уладзімір Андрэйчанка правёў перамовы са старшынёй Нацыянальнага заканадаўчага сходу Тайланда. Абодва спікеры выказаліся на карысць рэгулярных сустрэч парламентарыяў як на двухбаковай аснове, так і ў міжнародных арганізацыях для развіцця супрацоўніцтва краін.
Старшыня Палаты прадстаўнікоў заявіў: Беларусь разглядае Тайланд як перспектыўнага партнёра ў Паўднёва-Усходняй Азіі і імкнецца да развіцця сувязяў у першую чаргу ў сферах гандлю, прамысловасці, сельскай гаспадаркі, навукі, тэхнікі, адукацыі і культуры.