А.Лукашэнка прыбыў з рабочым візітам у Казахстан

Прэзідэнт Беларусі прыбыў з рабочым візітам у Казахстан. Самалёт Аляксандра Лукашэнкі ажыццявіў пасадку ў міжнародным аэрапорце Астаны. Кіраўнік дзяржавы прыме ўдзел у пасяджэнні Вышэйшага Еўразійскага эканамічнага савета. На парадку дня пытанні паглыблення эканамічных адносін ЕАЭС з трэцімі краінамі і ключавымі інтэграцыйнымі аб"яднаннямі.
Сярод важных для Беларусі пытанняў - канцэпцыі фарміравання ў ЕАЭС агульных рынкаў газу, нафты і нафтапрадуктаў.
Таксама будуць абмяркоўвацца асноўныя арыенціры макраэканамічнай палітыкі на найбліжэйшыя два гады, рэалізацыя асноўных кірункаў міжнароднай дзейнасці саюза.
Праграмай візіту запланавана сустрэча Аляксандра Лукашэнкі з Прэзідэнтам Казахстана Нурсултанам Назарбаевым. Кіраўнікі дзяржаў абмяркуюць актуальныя пытанні двухбаковых адносін, узаемадзеянне ў інтэграцыйных аб"яднаннях.