Першую электраэнергію атрымалі на Віцебскай ГЭС. Станцыя працуе ў тэставым рэжыме. 1 снежня быў уключаны ў працу першы гідраагрэгат, 7 снежня запушчаны другі, сёння плануецца ўключэнне ў сетку трэцяга гідраагрэгата, а затым і чацвёртага. Кантракт на будаўніцтва гідравузла Віцебскай ГЭС заключаны з Кітайскай нацыянальнай карпарацыяй па электраабсталяванні. Гадавая эканомія па Віцебскэнерга складзе 11,5 мільёна долараў.
