Мінск і Куала-Лумпур гатовыя да пашырэння як палітычнага дыялогу, так і гандлёва-эканамічнага супрацоўніцтва. Такія заявы прагучалі на перамовах Прэзідэнта Аляксандра Лукашэнкі са спікерам Палаты прадстаўнікоў малазійскага парламента Пандзікарам Амінам Муліа. Як адзначыў Кіраўнік дзяржавы, Беларусь гатовая развіваць усебаковае супрацоўніцтва з Малайзіяй без папярэдніх умоў. Зараз рыхтуецца візіт беларускага лідара ў Малайзію. Аляксандр Лукашэнка даручыў падрыхтаваць насычаны парадак дня па ўсіх кірунках супрацоўніцтва. Найбольш перспектыўныя такія кірункі, як прамысловая кааперацыя, ваенна-прамысловы комплекс, турызм, адукацыя і высокія тэхналогіі.
