"Харошкі" рыхтуюцца да вялікага еўрапейскага турнэ

Беларускі дзяржаўны заслужаны харэаграфічны ансамбль "Харошкі" рыхтуецца да вялікага турнэ па Еўропе. Яно запланаванае на пачатак наступнага года. Маршрут гастроляў пройдзе праз Маскву, Берлін, Парыж, Варшаву, Прагу, Браціславу і іншыя еўрапейскія сталіцы. Спецыяльна для турнэ рыхтуецца новая праграма, у яе ўвойдуць нумары на аснове музыкі і танцаў самых розных эпох. А напярэдадні фрагменты гэтай праграмы "Харошкі" паказалі ў Маскве - канцэрт быў прысвечаны юбілею заснавальніка і нязменнага кіраўніка ансамбля Валянціны Гаявой.