У Магілёве адкрылася выстава фотамастака Мірона Шчудло. Гэтым разам асноўным матэрыялам для стварэння экспанатаў майстра паслужылі шакалад, кава і віно. Карціны карыстаюцца папулярнасцю ў знатакоў сучаснага мастацтва не толькі дзякуючы прыгажосці, але і водару. Магіляўчанін заваяваў шырокую сусветную вядомасць. Часопіс асацыяцыі фотамастацтва ЗША па выніках 2003 года ўключыў Мірона Шчудло ў дзясятку лепшых у раздзеле чорна-белая фатаграфія.
