Урачыстае адкрыццё Нацыянальнай экспазіцыі Рэспублікі Беларусь адбылося ў Шанхаі на Кітайскай міжнароднай выставе імпарту CIIE 2025

У Шанхаі на выставе CIIE 2025 адбылася ўрачыстая цырымонія адкрыцця Нацыянальнай экспазіцыі Рэспублікі Беларусь з удзелам кіраўнікоў дэлегацыі, ганаровых гасцей і прадстаўнікоў бізнес-супольнасці Кітая. 

Ад кітайскага боку з урачыстым словам выступіў прадстаўнік кіраўніцтва Дэпартамента Еўропы і Цэнтральнай Азіі Міністэрства камерцыі КНР Ван Кайсюань. Высокі госць падкрэсліў, што Беларусь з'яўляецца адным з асабліва чаканых удзельнікаў China International Import Expo 2025. Кітай і Беларусь звязвае шматгадовая надзейнае і стратэгічнае партнёрства па шырокаму спектру напрамкаў. 

Кіраўнік беларускай дэлегацыі, намеснік міністра сельскай гаспадаркі і харчавання Беларусі Аляксандр Якаўчыц адзначыў, што ўдзел у дадзенай глабальнай падзеі для Рэспублікі Беларусь з'яўляецца пацвярджэннем высокага ўзроўню міждзяржаўнага супрацоўніцтва.

На выставе CIIE 2025 беларускі бок дэманструе экспазіцыю, прадстаўленую ў краінавым павільёне і тэматычных лакацыях: «Харчовая і сельскагаспадарчая прадукцыя», «высокатэхналагічнае абсталяванне і інфармацыйныя тэхналогіі», агульнай плошча 402 кв.м., сфарміраваную ўнітарным прадпрыемствам «Белінтэрэкспа» Беларускай гандлёва-прамысловай палаты з удзелам больш як 40 айчынных прадпрыемстваў харчовай галіны, прамысловай сферы, арганізацый і ўстаноў навукова-тэхнічнага напрамку і сістэмы адукацыі. 

Лейтматывам і галоўнай тэмай гэтага года выступае "лён – Беларускае золата". Беларусь з'яўляецца адной з найбуйнейшых краін-вытворцаў ільнянога валакна, а прадукцыя з лёну ў свеце прызнана ўнікальнай і якая не мае аналагаў па складзе, якасці і паходжанні.