Міжнародны музычны фестываль "Залаты шлягер" адбудзецца ў Магілёве з 26 кастрычніка па 3 лістапада

Мерапрыемствы фестывалю пройдуць на шматлікіх пляцоўках Магілёўскай вобласці. 

Фестываль даўно ператварыўся ў візітную картку не толькі горада, але і ўсёй краіны, пазнавальную далёка за яе межамі. Фестываль упершыню быў арганізаваны ў лістападзе 1995 года пры падтрымцы Прэзідэнта Рэспублікі Беларусь Аляксандра Лукашэнкі.

Гала-канцэрт, прысвечаны адкрыццю фестывалю, збярэ 28 кастрычніка ў Лядовым палацы абласнога цэнтра выканаўцаў з Беларусі, Расіі, Грузіі і Італіі.

Праграму фестывалю дапоўняць літаратурна-музычная сустрэча з беларускімі паэтамі, танцавальныя вечары ў стылі дыскатэкі 1980-1990-х гадоў, мастацкая майстэрня і рэтравыстава карцін «Залаты шлягер збірае сяброў». 

Акрамя гэтага, у абласным цэнтры адбудуцца кінапаказы, спектаклі, караоке-батлы, танцавальныя бітвы, інтэрактыўныя гульні, конкурсы і маладзёжныя флэшмобы.