Усе паліклінікі Мінска перайшлі на электронныя рэцэпты, да 2017 года яны будуць абавязковымі

Усе мінскія паліклінікі пачалі выдаваць электронныя рэцэпты і ствараць электронныя амбулаторныя карты. З 1 студзеня 2017 года без такіх рэцэптаў нельга будзе купіць лекі ў дзяржаптэках, а ў перспектыве - і ва ўсіх аптэчных сетках. Спецыяльныя пластыкавыя карткі афармляюцца ў рэгістратуры паліклінікі і выдаюцца пацыентам бясплатна. Працэс займае ўсяго некалькі хвілін. У перспектыве беларускія медыкі змогуць кансультаваць пацыентаў праз Інтэрнэт, а грамадзяне атрымаюць магчымасць заказваць выпісы са сваёй гісторыі хваробы анлайн. Поўную інфарматызацыю паліклінік плануюць завяршыць да 2020 года.