Вячэрні рэйс Аэрафлота Масква - Мінск адмянілі праз завею

Аранжавы ўзровень небяспекі праз моцны вецер аб"явілі ў Беларусі 6 снежня.

Аэрафлот праз завею адмяніў сённяшні вячэрні рэйс Масква - Мінск. Усяго ад неспрыяльных метэаўмоў аэрапорты Масквы адмянілі больш за 50 авіярэйсаў, яшчэ 10 затрыманыя. Сёння ўвечар сіноптыкі прагназуюць снежныя завеі з парывістым ветрам. Пагоршыцца надвор"е і ў Беларусі. На заўтра аб"явілі аранжавы ўзровень небяспекі. Тэмпература паветра днём месцамі панізіцца да 10 градусаў марозу. На большай частцы тэрыторыі краіны пройдзе снег, чакаецца моцны вецер парывамі да 18 метраў за секунду.