У Магілёўскай вобласці пачаліся калядныя дабрачынныя акцыі

У Магілёўскай вобласці дадзены старт калядным дабрачынным акцыям. Першымі ў ролі валанцёраў выступілі студэнты і выкладчыкі Магілёўскага дзяржаўнага ўніверсітэта імя Куляшова. Яны арганізавалі збор сродкаў у дапамогу дзецям з абмежаванымі магчымасцямі. Ідэю падтрымала Пасольства Францыі ў Беларусі. Усяго напярэдадні калядных святаў толькі ў Магілёўскай вобласці пройдуць больш за сотню дабрачынных акцый.