Прэзідэнт правёў нараду па пытаннях развіцця пенсіённай сістэмы

Удасканальваючы пенсіённую сістэму краіны, трэба кіравацца перш за ўсё прынцыпам справядлівасці. Пра гэта сёння на нарадзе заявіў Прэзідэнт Аляксандр Лукашэнка. Рашэнне павысіць пенсіённы ўзрост у выпадку яго прыняцця павінна закрануць усіх. Пры гэтым трэба ўлічваць розніцу працягласці жыцця, спецыфіку горада і вёскі, умовы працы ў некаторых сферах. Сёння ў Беларусі на 10 працоўных 6 пенсіянераў. Парог выхаду на пенсію - 60 гадоў у мужчын і 55 у жанчын - адзін з самых нізкіх у свеце. Вызначальныя фактары пры прыняцці рашэння - прапановы ўрада, заснаваныя на эканамічных разліках, і меркаванне грамадзян краіны, якое нельга ігнараваць. Звяртаючыся да ўрада, Кіраўнік дзяржавы падкрэсліў: трэба выпрацаваць найбольш аптымальныя варыянты, каб наша пенсіённая сістэма была надзейнай і працавала без збояў на карысць людзей.