Гродзенская вобласць і Польшча рыхтуюць больш чым 30 праектаў у сферы турызму

Гродзенская вобласць з польскімі партнёрамі рыхтуе больш чым 30 сумесных праектаў у сферы турызму. Яны будуць прапанаваныя на конкурс праграмы трансгранічнага супрацоўніцтва "Польшча - Беларусь - Украіна". У асноўным праекты накіраваныя на паляпшэнне турыстычнай інфраструктуры: ад будаўніцтва веладарожак і прычалаў на водных артэрыях да ўзвядзення мастоў і развіцця рэчышча ракі Нёман. Упор таксама зроблены на праекты, накіраваныя на развіццё нацыянальнага каларыту.