Дзяржава павінна гарантаваць падтрыманне і захаванне ядра пенсіённай сістэмы

Дзяржава павінна гарантаваць падтрыманне і захаванне ядра пенсіённай сістэмы - салідарнай сістэмы пенсіённага забеспячэння, якая фарміруецца за кошт адлічэнняў працаздольнага насельніцтва. Аб гэтым заявіла Міністр працы і сацабароны Мар"яна Шчоткіна. Згодна з яе словамі, дэмаграфічная сітуацыя ў Беларусі не адрозніваецца ад агульнасусветных трэндаў у гэтай сферы і, у прыватнасці, ад краін Еўропы. Для падтрымання пенсіённай сістэмы неабходна стабілізаваць колькасць працаздольнага насельніцтва. У дачыненні да Беларусі гэта ў сярэднім 5,5 млн чалавек. Захаваць гэты ўзровень можна павысіўшы планку пенсіённага ўзросту, - растлумачыла міністр. Самым мяккім варыянтам яна назвала павышэнне пенсіённага ўзросту да 58 гадоў для жанчын і да 63 для мужчын.