Еўрапейскі тыдзень устойлівай энергетыкі пачынаецца ў Беларусі

Еўрапейскі тыдзень устойлівай энергетыкі пачынаецца сёння ў Беларусі. Ён праводзіцца пад эгідай міжнароднага пагаднення "Пакт мэраў". Гэта рух, у рамках якога мясцовыя і рэгіянальныя органы ўлады працуюць над павышэннем узроўню энергетычнай эфектыўнасці і выкарыстання аднаўляльных крыніц энергіі. Мэта - звярнуць увагу на дасягненні і перспектывы, паказаць, што тэхналогіі аднаўляльнай энергіі і энергазберажэнне - эфектыўныя і станоўча ўплываюць на навакольнае асяроддзе. У Беларусі "Пакт мэраў" падтрымалі ўжо 11 гарадоў.