Бюджэт-2016 і падатковае заканадаўства стануць галоўнымі тэмамі восеньскай сесіі Палаты прадстаўнікоў. Усяго на парадак дня вынесена 36 дакументаў. Сёння ў першым чытанні дэпутаты абмяркуюць законапраекты па дзяржаўна-прыватным партнёрстве, навукова-тэхнічнай экспертызе і сацыяльным страхаванні. Таксама прадугледжаная ратыфікацыя некалькіх міжнародных дакументаў, у прыватнасці, дагавору аб сяброўстве і супрацоўніцтве Беларусі з Кітаем. Акрамя гэтага, плануецца разгледзець дэкрэт Прэзідэнта №5 аб бязвыплатнай замежнай дапамозе.
