Сёння адбудзецца адбор заявак для нацыянальнага фіналу песень "Еўрабачання". Сярод удзельнікаў як сольныя выканаўцы, так і калектывы, прычым не толькі з Беларусі, але і з Расіі, Украіны, Латвіі, Туркменістана і нават Нігерыі. Прафесійнае журы адбярэ не больш за 15 артыстаў для фінальнага гала-канцэрта, на якім гледачы і журы сумесна выберуць прадстаўніка нашай краіны на "Еўрабачанні-2017". Прамую трансляцыю кастынгу будзе весці сайт tvr.by.
