Літаральна некалькі тыдняў застаецца да старту эскізнага тура фестывалю-конкурсу "Млын моды". У лістападзе новыя імёны фэшн-індустрыі атрымаюць магчымасць стаць гучнымі беларускімі брэндамі. Пачаткоўцы не толькі пакажуць свае калекцыі экспертам, але і атрымаюць кансультацыі. Майстар-класы пройдуць у Мінску і абласных цэнтрах. У снежні "Млын моды" выбера і лепшага фэшн-фатографа. Паралельна арганізатары працуюць над канцэпцыяй гала-шоу наступнага сезона. Ужо вядома, што ўпершыню подыум з беларусамі падзеляць дызайнеры з Кітая.
